Выпускны баль для студэнтаў адбыўся 26 чэрвеня ў Гродзенскім дзяржаўным універсітэце імя Янкі Купалы
![](https://gazeta.grsu.by/wp-content/uploads/2023/07/IMG_8551-1024x683.jpg)
Галоўнымі героямі ўрачыстасці сталі 100 выпускнікоў, якія за перыяд студэнцтва паказалі высокія вынікі ў навучальнай, навуковай, грамадскай, культурнай і спартыўнай дзейнасці, а таксама сталі прызёрамі ў розных алімпіядах і конкурсах.
![](https://gazeta.grsu.by/wp-content/uploads/2023/07/IMG_8663-1024x683.jpg)
У ГрДУ імя Янкі Купалы добрай традыцыяй стала ўшанаванне найлепшых студэнтаў на ўніверсітэцкім балі. Сярод іх – лаўрэаты розных прэмій за дасягненні ў галіне навукі, прызёры спартыўных спаборніцтваў, пераможцы творчых конкурсаў.
![](https://gazeta.grsu.by/wp-content/uploads/2023/07/IMG_8927-2-1024x683.jpg)
Павіншаваць маладых спецыялістаў з заканчэннем вучобы прыйшлі рэктар Купалаўскага ўніверсітэта Ірына Кітурка, прарэктары, дэканы і выкладчыкі, госці мерапрыемства, у ліку якіх быў старшыня Камітэта Дзяржаўнага кантролю Гродзенскай вобласці Анатоль Дарожка. Адкрыла ўрачыстую цырымонію рэктар ГрДУ імя Янкі Купалы Ірына Кітурка. Кіраўнік універсітэта павіншавала ўсіх выпускнікоў-купалаўцаў. Раздзяліць радасны момант прыйшлі і самыя дарагія людзі выпускнікоў – іх бацькі.
![](https://gazeta.grsu.by/wp-content/uploads/2023/07/IMG_9176-1024x683.jpg)
Усяго сёлета выпусцілі 2236 купалаўцаў, студэнтаў І ступені атрымання вышэйшай адукацыі, з іх выпускнікоў дзённай формы атрымання адукацыі – 1535 чалавек, вячэрняй – 23 чалавекі, завочнай – 678, замежных грамадзян – 173.
![](https://gazeta.grsu.by/wp-content/uploads/2023/07/IMG_9288-1024x683.jpg)
Таццяна СУШКО.
Фота Веранікі КАЗЛОЎСКАЙ